- Başqasına «düşən» dərman sizə düşməyə bilər. «Onların orqanizmini yaradan eyni yaratmayıb.» Eyni diaqnozlu iki pasientdən birində ürək, digərində böyrək problemi ola bilər. Birinə ürəyi qoruyan dərman digərinin böyrəyinə ziyan verə bilər. Həkimin sözü ilə: «Unutmayaq ki, kömək etmək istəyərkən səhvən ziyan vermiş olmayaq və ətrafımızda heç kimə "bu dərman mənə xeyir etdi, al sən də at" deməyək.»
- Şəkər dərmanını özbaşına saxlamaq olmaz. Dərman bitib deyə və ya şəkər «düzəldi» deyə müalicəni dayandıranlarda nəticələr düzəlmək yerinə pisləşir. Həkimin dediyi müddətdə təkrar qəbula gəlin.
- Arıqlama iynəsi reklamla seçilmir. Göstəriş bel çevrəsi, bədən kütlə indeksi və analizlərlə müəyyən olunur. İynədən çıxış da planlanmalıdır, əks halda çəki qayıdır.
- D vitaminini özbaşına yüksək dozada içməyin. Doza qan səviyyəsinə görə təyin olunur. Nəzarətsiz yüksək doza zəhərlənməyə — hiperkalsemiyaya və böyrək zədələnməsinə səbəb ola bilər.
- Həkimsiz «arıqlama çayları» və hormonal dərmanlar məqsədəuyğun deyil. Bunlar haqqında endokrinoloqla məsləhətləşin.
- Xalq təbabəti həkim təyinatını əvəz etmir. «Həkimin təyinatını heç vaxt digər təbabət növləri əvəz edə bilməz.»
Həkimin yekun fikri: «Ümumi götürdükdə bütün dərmanların müsbət və mənfi təsirləri var. Müsbət təsirləri üstün olan dərmanın təyini isə bir o qədər vacibdir və həkimin işidir.»